Amodiño ma non troppo

Unha nova cita no Xan Viaño que non podemos perder! Mañá mércores ás 19:00 h teremos o concerto da estrea absoluta das obras do XVIII Certame "Xan Viaño" de creación musical . Escoitaremos a música de Nerea Ameneiro, Ana Jiménez, Daniel Barrán, Nora Luaces, Aitana Tizón, Icía Gómez, Álex Armán, Clara Conchillo e Marta Monteagudo, todos eles... os nosos compositores e compositoras do Xan Viaño! Parabéns a todos eles e ao Departamento de Fundamentos de Composición pola organización deste certame, un clásico xa do Xan Viaño.  

  Unha das nosas aulas de violoncello leva o nome de Clara Groba, profesora do Conservatorio da Coruña durante máis de 25 anos.  O seu labor como profesora de violoncello formou a moitos dos actuais intérpretes deste instrumento do panorama actual. Ela mesma foi un referente do violoncello en Galiza, mais un dos piares fundamentais de toda a súa labor, foi sen dúbida a difusión do noso patrimonio artístico e musical, formando parte durante 18 anos da Orquestra de Cámara Galega e difundindo por todo o mundo a obra do seu pai, Rogelio Groba, así como a de outros e outras autoras galegas. Hoxe temos a inmensa sorte de compartir con vós unha obra composta pola propia Clara Groba, Un intre en sol. A esta fermosísima e emocionante peza, dálle vida unha das profesoras de violoncello do CMUS Xan Viaño, Isabel Font, e á quen lle damos as grazas de corazón por permitirnos manter vivo o legado de Clara.

Remataron as clases mais aínda temos moitas cousas lindas que compartir con vós. Presentámosvos  un conto musical de Juan Durán, prolífico autor vigués, que foi gravado polo alumnado de piano e piano complementario do Xan Viaño con toda a ilusión, dende os primeiros cursos ata os últimos. Queremos agradecer a todo o alumnado e  profesorado participante por colaborar en todas estas iniciativas. Estade atentos, temos máis sorpresas preparadas!

Compartimos este vídeo realizado polo EDLG coa colaboración dos profes do Xan Viaño, no que amosamos con orgullo as nosas aulas galegas. Trátase dunha pequena mostra dalgunhas das aulas nomeadas este curso con nomes de figuras galegas destacadas no mundo da música, iniciativa enmarcada dentro do proxecto O galego é música. Moitas grazas a todos os profesores e profesoras que se animaron a saír e compartir o nome da súa aula con todos nós!

Aínda que xa rematamos as clases, séguennos chegando vídeos de obras de compositores galegos traballadas durante este curso dentro do proxecto O galego é música . Hoxe compartimos  Pauvre Polichinelle! Marcha funèbre do galego Marcial del Adalid, interpretada por Nora Luaces Mesías, alumna de 4º GP de piano complementario. Na seguinte ligazón podedes acceder a entrada do noso blog onde falamos de Marcial del Adalid, que como sabedes, dá nome a nosa aula 37: https://xanvianolinguagalega.blogspot.com/2021/11/aula-37-aula-marcial-del-adalid.html Tamén no seguinte vídeo realizado polo EDLG, podedes aprender máis sobre a súa vida e obra: https://youtu.be/GLd2gorlhxQ Moitísimas grazas a Nora e ás súas profesoras Raquel Paz e Carla Lorenzo por participar no noso proxecto!

 Cando penso que te fuches negra sombra que me asombras, ó pe dos meus cabezales tornas facéndome mofa.  Cando maxino que es ida no mesmo sol te me amostras i eres a estrela que brila i eres o vento que zoa.  Si cantan, es ti que cantas si choran, es ti que choras i es o marmurio do río i es a noite, i es a aurora.  En todo estás e ti es todo pra min i en min mesma moras, nin me abandonarás nunca, sombra que sempre me asombras. Con estes intensos versos de Rosalía de Castro (1837-1885) compostos dende a profundidade da alma, Xoán Montes (1840-1889) inspirouse para crear a súa fráxil pero fermosísima melodía da peza Negra sombra composta en 1892 para o Certame Literario, Científico e Musical de Pontevedra. O impacto causado pola maxestosa combinación de notas e conxugacións dunha melodía tan simple, tan sinxela pero tan sublime á vez, fíxolle proclamarse gañador do accésit no concurso nomeado. Esta peza, escollida e gravada polos dous grandes profesores do noso conse...

 Onte celebramos o días das Letras Galegas da mellor forma posible, con letras e con música galega, nas mans dos nosos queridos alumnos e alumnas do Xan Viaño. Vivimos todos unha fermosa xornada chea de emocións, na que os intérpretes fixeron visible a música dos compositores e compositoras galegas, os pasados e os actuais, e na que reivindicamos a súa música como parte da nosa cultura e o noso patrimonio. Escoitamos música das especialidades de guitarra, piano, gaita, fagot, acordeón, violín... así como tamén a actuación da Banda de 3º a 6º GP que pechou o concerto co noso Himno Galego.  Houbo tamén minutos para a música tradicional galega, a cargo de dous grupos formados por alumnado dos últimos cursos de GP, e no que ata contamos con baile tradicional. Queremos dar as grazas ao Concello de Ferrol, por cedernos o Teatro Jofre nesta data tan sinalada, e tamén o noso agradecemento aos técnicos e persoal do Jofre por tratarnos sempre de forma tan profesional. Grazas a todo o pr...

O pasado venres 13 de maio, rendémoslle unha pequena homenaxe a Manolo Cociña, un gran home e un gran referente do mundo acordeonístico, que como sabedes dá nome a nosa aula de acordeón. Na homenaxe presentamos unha emotiva curta que realizou Suso Iglesias, baseada nunha entrevista realizada xunto co EDLG, na que coñecemos anécdotas da súa vida e profesión. Moitísimas grazas a Suso profesor de acordeón, polo seu gran traballo nesta curta e pola súa implicación na homenaxe. Na seguinte ligazón podedes ver a curta: Para rematar o acto, que mellor forma de facelo que coa boa música da agrupación Tempo Catro , interpretando uns tangos que lle adicaron a Manolo e que emocionaron a todo o público asistente. Grazas aos seus compoñentes, Suso Iglesias (acordeón), Javier Cedrón (violín), Andrés Pazos (piano) e Antonio Cienfuegos (contrabaixo), por achegarse ata o Xan Viaño, e compartir a súa marabillosa música con todos nós. Dende o EDLG queremos dar as grazas a Manolo e a súa familia, pola súa...

A nosa aula de canto leva o nome de Ángeles Gulín, a soprano galega que se convertiu nun talento universal mais ás veces foi inxustamente olvidada. Se queres coñecer máis sobre ela non perdas este vídeo do noso alumnado de canto!

Hoxe último día de clase, presentamos a última entrega de Musicando poemas galegos deste curso. Trátase do traballo de Xiana Ruiz Martínez de 3º GP de Piano complementario que nos presenta Galicia , un fermoso poema de Manuel María. Xiana pon a súa voz no recitado e tamén realiza o acompañamento no piano, baixo a dirección das súas profesoras de piano, Raquel Paz e Carla Lorenzo. Parabéns ás tres por este gran traballo! De seguro que o curso que ven, seguiremos musicando moitos máis poemas en galego!!

  O próximo 17 de maio Días das Letras Galegas, o Xan Viaño estará no Teatro Jofre compartindo con toda a cidade de Ferrol, a música dos nosos compositores e compositoras galegas. O noso alumnado interpretará exclusivamente música de galegos e galegas e contaremos con música clásica e tradicional, ademáis da actuación da Banda de GP do conservatorio. Achegádevos ata o Teatro Jofre e vivide con nós esta música tan especial que merece ser recoñecida e escoitada, e que forma parte da nosa cultura e patrimonio. O galego é música!

 Hoxe queremos compartir as novidades en galego que adquiriu este curso a Biblioteca do noso conservatorio, que foron moitas!! Libros de lectura en galego para todas as idades, CDs, métodos e partituras de compositores e compositoras galegas... canta variedade onde escoller! Queremos dar as grazas a Águeda, coordinadora do Equipo de Biblioteca, por colaborar con nós no proxecto O galego é música sempre con tan boa disposición, e por axudarnos a enriquecer a nosa querida biblioteca con todos estes fondos en galego.  Dende o EDLG recomendámosvos sempre que vaiades a nosa Biblioteca Fontenla Leal, e que vos animedes a participar nas iniciativas e propostas que nos ofrece, sempre tan interesantes e educativas.

A banda de GP de 3ºGP a 6º GP, uniuse tamén a nosa iniciativa de O galego é musica , preparando durante o curso pezas de compositores galegos. Trátase da coñecida Alborada galega de Pascual Veiga. Pascual Veiga, que dá nome á nosa aula 17, naceu en Mondoñedo o 9 de abril de 1842 e faleceu en Madrid o 12 de xullo de 1906. Comezou a compoñer sendo tan só un neno e ao longo da súa vida fundou moitas agrupacións orquestrais e corais. No 1864 trasladouse a Coruña e no 1892 a Madrid, tras conseguir unha praza como profesor no Conservatorio de Música. En 1880 estreouse a súa obra Alborada Galega durante os Xogos Florais de Pontevedra. Nove anos máis tarde, foi presentada na Exposición Universal de París de 1889 co Orfeón Coruñés dirixido polo propio Veiga, onde gañou o primeiro premio e a Gran Medalla de Ouro. A Alborada dende a súa creación, converteuse nunha das pezas galegas máis populares, contando con versión instrumental e coral. O martes 3 de maio a banda dirixida por Óscar López, re...

Marcado pola influencia musical franco-alemaná nas súas zarzuelas,   Reveriano Soutullo (1880-1932)   foi o compositor galego equivalente a Beethoven debido á súa habilidade compositiva malia padecer xordeira. Dende ben noviño iniciouse co cornetín grazas ao seu pai, que dirixía a banda de música de Redondela (Pontevedra), e cedo amosou as súas aptitudes harmónicas que lle levaron a estudar música co director da banda de Ponteareas, e mais adiante, ao Conservatorio de Madrid (1900). Unha vez asentado en Madrid, compuxo varias pezas de renome entre as que destaca  El cofrade Matías (1914) e Amores de aldea (1915),  pezas que lle impulsaron á fama como compositor no eido lírico, xa que a zarzuela era o xénero musical da época e predilecto por Reveriano. A xuntanza e colaboración co compositor valenciano Juan Vert na zarzuela  La leyenda del beso (1923-24)  catapultouno directamente á primeira liña de compositores da época, e acadou unha reputación confirmada ...