Amodiño ma non troppo

O pasado venres aprendemos e gozamos con A guitarra na Galiza de Isabel Rei, un interesantísimo estudo histórico sobre este instrumento na nosa terra. Tras unha presentación baseada na súa Tese de doutoramento A guitarra na Galiza, puidemos escoitar a Isabel interpretando na guitarra fermosos temas de compositores galegos que escribiron para este instrumento. Isabel tamén nos achegou a guitarristas históricos do Ferrol e arredores, terra de gran tradición vinculada a este instrumento. Moitísimas grazas a Isabel por compartir coa comunidade educativa do Xan Viaño, toda esta riqueza enorme de coñecementos sobre a guitarra na Galiza. Isabel coas profes de guitarra do Xan Viaño, Águeda e Ana

Como vos prometimos, aquí está a entrevista íntegra da visita de Simón García ao Xan Viaño, para que todas e todos teñades a oportunidade de escoitala. Grazas a Simón, aos alumnos e alumnas de contrabaixo e ao noso responsable TIC pola gravación e edición do vídeo que hoxe presentamos. Grazas tamén a Ximo, profe de contrabaixo, por propoñer a Simón García como músico compositor que nomea a nosa aula 35 de contrabaixo.

O pasado venres tivemos unha xornada moi especial no noso auditorio. Simón García, contrabaxista internacional que da nome á nosa aula de contrabaixo, visitounos para ser entrevistado polos alumnos e alumnas de contrabaixo. Grazas Simón por ofrecernos esta oportunidade! E como non grazas aos nosos contrabaixistas polas súas preguntas! O noso responsable TIC Suso Iglesias gravou a entrevista para que todos a poidamos desfrutar, así que en breve a presentaremos para todos! Mentres tanto aquí vos deixamos a foto de Simón diante da súa aula!

Hai pouco máis dun ano botabamos a andar este blog, tomando o nome da primeira revista que tivo o conservatorio de Ferrol alá polos anos 90.  Recentemente descubrimos que unha das nosas profesoras de linguaxe musical, Pilar Beiro, colaborou e participou naquel primeiro  Amodiño ma non troppo . Grazas a ela conseguimos aquel primeiro exemplar íntegro que hoxe vos presentamos, xunto a unha foto daqueles tempos. Moitos dos que formamos parte do Xan Viaño recordamos aquela etapa dun xeito especial e chea de boas lembranzas, así que: Grazas Pilar! De esquerda a dereita, Lorena Dapena, Pilar Beiro e Susana Polo

Como ben sabedes a aula 35 do Xan Viaño leva o nome de Simón García. Pois ben, Simón García visítanos este venres 21 de xaneiro para ser entrevistado polos alumnos e alumnas de contrabaixo! Unha oportunidade única de coñecer a esta referencia do contrabaixo, que levou a súa música e o contrabaixo a todos os recunchos do mundo. Anímate a coñecer persoalmente a este mugardés universal e como non, aproveita  o privilexio que teremos no noso centro para facer as túas preguntas! Reserva a túa praza escribindo antes deste xoves 20 a  edlgxanviano@gmail.com Vémonos o venres!

  Onte tivemos a sorte de desfrutar da charla de Sofía Infante, compositora, profesora e antiga alumna do Xan Viaño. Sofía compartiu con nós os diversos estilos da súa faceta compositora, na que a música do cine ten un lugar moi especial. Entre outras composicións, puidemos escoitar a súa música creada para a famosa película  Elisa y Marcela , para a curta  Souvenir  e ata tivemos a sorte de escoitar a fermosa voz da cantante Irene Caruncho, nunha canción composta con Sofía. Sofía compartiu co público interesantes consellos e recomendacións que ela mesma viviu e tivo que poñer en práctica con valentía, para conseguir o seu soño de ser compositora. Unha sorte contar no Xan Viaño con esta gran compositora galega, cunha obra incrible e cunha recoñecida traxectoria que non acaba máis que comezar. Grazas Sofía por compartir con todos nós as túas vivencias e a túa marabillosa música.

Comezamos este 2022 cheos de ilusión e de proxectos no Xan Viaño! O vindeiro venres 28 de xaneiro teremos unha charla-concerto que non podedes perder. Teremos a oportunidade de coñecer máis sobre a guitarra galega con Isabel Rei Samartím. Reserva a túa praza antes do 21 de xaneiro escribindo a: edlgxanviano@gmail.com

Iniciamos o 2022 con moita forza e ilusión, e o facemos da mellor maneira posible, con música e poesía. Tras a iniciativa do ano pasado de Musicando a Carvalho Calero dirixida a alumnado de piano complementario, continuamos este ano con Musicando poemas galegos , onde abrimos a posibilidade de musicar un poema galego a todo aquel que desexe participar. Nesta ocasión temos a sorte de gozar coa poesía dun grande da literatura galega: Celso Emilio Ferreiro. O acompañamento musical ao piano dos tres poemas, está a cargo de Samuel Rodríguez Gago, alumno de 6º GP de Piano complementario, e que tamén pon a voz no Monólogo do vello traballador . Lis Rodríguez Varela, alumna de 2º GE de piano, interpreta un orixinal rap do poema Deitado frente ao mar e Blanca Fernández Naveiras de 1º GE de piano, ponlle voz ao fermoso poema Longa noite de pedra , todos baixo a dirección da súa profesora de piano, Judith Fernández Casero. Parabéns aos intérpretes polo gran traballo realizado, e parabéns tamén