Amodiño ma non troppo

A nosa aula 27 leva o nome de Canuto Berea, pianista, violinista, profesor, compositor e empresario galego, figura fundamental na difusión da nosa música, e tamén quen tivo a primeira tenda de instrumentos musicais de Galiza. Dende hoxe temos un novo fondo na nosa biblioteca para poder achegarnos máis á súa figura e ao seu legado. O libro titulado " La Saga Berea en la ciudad herculina" do que é autor Nilo Jesús García Armas, será presentado este venres 27 na Biblioteca Provincial da Coruña mais dende xa está á vosa disposición no Xan Viaño!

O próximo xoves 13 de outubro ás 20:00 horas no Centro Cívico de Canido, terá lugar a presentación do libro Castelao. Plástica e pensamento 1903-1916 , do autor Suso Piñeiro. Non vos perdades esta gran oportunidade para aprender máis de Castelao, un dos referentes de Galicia, tanto no eido político como no literario e artístico, a través da presentación deste libro editado recentemente pola Editorial Galaxia.