Publicacións

Aula 27. Canuto Berea

Imaxe
A nosa aula 27 leva o nome de Canuto Berea, pianista, violinista, profesor, compositor e empresario galego, figura fundamental na difusión da nosa música, e tamén quen tivo a primeira tenda de instrumentos musicais de Galiza. Dende hoxe temos un novo fondo na nosa biblioteca para poder achegarnos máis á súa figura e ao seu legado. O libro titulado " La Saga Berea en la ciudad herculina" do que é autor Nilo Jesús García Armas, será presentado este venres 27 na Biblioteca Provincial da Coruña mais dende xa está á vosa disposición no Xan Viaño!

Presentación do libro Castelao. Plástica e pensamento 1903-1916

Imaxe
O próximo xoves 13 de outubro ás 20:00 horas no Centro Cívico de Canido, terá lugar a presentación do libro Castelao. Plástica e pensamento 1903-1916 , do autor Suso Piñeiro. Non vos perdades esta gran oportunidade para aprender máis de Castelao, un dos referentes de Galicia, tanto no eido político como no literario e artístico, a través da presentación deste libro editado recentemente pola Editorial Galaxia.

Únete ao Equipo de lingua do Xan Viaño!

Imaxe
Iniciamos este novo curso coa mesma ilusión de sempre e con moitas ganas de seguir traballando pola promoción da nosa lingua galega.  Durante as vacacións de verán coñeciamos unha boa nova: O CMUS Xan Viaño recibiu o Premio á innovación en dinamización lingüística polo proxecto que levamos a cabo o curso pasado  O galego é música , recibindo a consideración de excelente, xunto con outros catro proxectos máis, tamén premiados. Na seguinte ligazón podedes ver toda a información: https://www.edu.xunta.gal/portal/es/node/37626 Este recoñecemento supón para todo o  Xan Viaño unha fonte de motivación para seguir traballando pola nosa lingua e cultura, e de xeito especial,  pola música das nosas compositoras e compositores galegos. Dende o EDLG, queremos convidar a todo o alumnado que así o desexe, a participar directamente con nós no noso programa de promoción da lingua e formar parte do noso equipo. Precisamos das vosas ideas! Se estás interesada ou interesado, escríbenos un correo a edlg.c

Revista Falamus Curso 21-22

Imaxe
Por fin presentamos a esperada revista Falamus deste ano, na súa décimo terceira edición! Cantos recordos e cantas boas experiencias vividas... Ao longo das súas páxinas facemos un percorrido por moito do acontecido no conservatorio durante este curso, recollendo especialmente as actividades organizadas polo EDLG do Xan Viaño. No seguinte enlace podedes acceder a todos os contidos:   https://drive.google.com/file/d/1s-eJ7sDFu94CoBk5N6hCO69RKjrG1NBc/view?usp=sharing Moitísimas gracias ao Ciclo superior de Deseño e Edición de Publicacións Impresas e Multimedia do CIFP Leixa, en concreto á profesora María Salas, por colaborar un ano máis na realización da edición de Falamus. É un privilexio  poder contar todos os anos co CIFP Leixa na elaboración da nosa revista, ofrecéndonos sempre un resultado tan actual e profesional. Todo o Xan Viaño forma parte da revista Falamus, grazas a todos e todas por facela posible un ano máis!

Javier Vázquez Grela en O galego é musica

Imaxe
Onte tivo lugar o último concerto deste curso de  O galego é música do Plan Proxecta + , no que tivemos o pracer de escoitar de novo, ao gran pianista Javier Vázquez Grela.   Javier Vázquez Grela, como sabedes é un pianista nado na Coruña, que actuou por todo o mundo como solista e como pianista acompañante.  Onte interpretou na primeira parte do concerto a Suite Francesa nº 1 en re menor de J. S. Bach e a Chacona para man esquerda soa de Bach/Brahms.  Foi na segunda parte o momento para a música de compositores galegos actuais, Juan Durán e Paulino Pereiro, os cales tiveron a xentileza de asistir ao concerto. Escoitamos a  Fantasía sobre O Galopín de Juan Durán e a Sonata nº 2 Op. 182 (en 4 movementos) de Paulino Pereiro, obras que emocionaron enormemente ao público asistente. Moitísimas grazas a Javier por compartir de novo a súa música co Xan Viaño e darnos a oportunidade de escoitar e coñecer o repertorio dos nosos compositores galegos. Grazas tamén a Juan Durán e Paulino Per

XVIII Certame Xan Viaño de creación musical

Imaxe
Unha nova cita no Xan Viaño que non podemos perder! Mañá mércores ás 19:00 h teremos o concerto da estrea absoluta das obras do XVIII Certame "Xan Viaño" de creación musical . Escoitaremos a música de Nerea Ameneiro, Ana Jiménez, Daniel Barrán, Nora Luaces, Aitana Tizón, Icía Gómez, Álex Armán, Clara Conchillo e Marta Monteagudo, todos eles... os nosos compositores e compositoras do Xan Viaño! Parabéns a todos eles e ao Departamento de Fundamentos de Composición pola organización deste certame, un clásico xa do Xan Viaño.  

Aula de violoncello Clara Groba

Imaxe
  Unha das nosas aulas de violoncello leva o nome de Clara Groba, profesora do Conservatorio da Coruña durante máis de 25 anos.  O seu labor como profesora de violoncello formou a moitos dos actuais intérpretes deste instrumento do panorama actual. Ela mesma foi un referente do violoncello en Galiza, mais un dos piares fundamentais de toda a súa labor, foi sen dúbida a difusión do noso patrimonio artístico e musical, formando parte durante 18 anos da Orquestra de Cámara Galega e difundindo por todo o mundo a obra do seu pai, Rogelio Groba, así como a de outros e outras autoras galegas. Hoxe temos a inmensa sorte de compartir con vós unha obra composta pola propia Clara Groba, Un intre en sol. A esta fermosísima e emocionante peza, dálle vida unha das profesoras de violoncello do CMUS Xan Viaño, Isabel Font, e á quen lle damos as grazas de corazón por permitirnos manter vivo o legado de Clara.