Publicacións

Mostrando publicacións desta data: Decembro, 2022

I Concurso Falamus!

Imaxe
Como ben sabedes o Xan Viaño ten unha revista que se publica anualmente. Pois ben, este ano gustaríanos contar coa axuda de todas e todos para deseñar a portada da contraportada da nosa revista. Con esta idea o EDLG convoca este primeiro concurso de debuxos, fotografías e deseños para que todo o profesorado, alumnado, pais e nais, e resto da comunidade educativa participe na nosa revista Falamus! nº 14 Collede lápiz, ordenador ou cámara e mandade os vosos proxectos! Atentos! Achegamos as bases deste concurso, mais tamén as tedes na conserxería ou no taboleiro do EDLG.

XIX Certame de Creación Musical

Imaxe
Un ano máis temos a grandísima sorte de poder anunciar que o Departamento de Composición e o EDLG convocan o XIX Certame de Creación Musical. Todas e todos estades convidados a participar, manuscrito ou editado dixitalmente, formación vocais e/ou instrumentais….non hai excusas! Ademais este curso hai unha novidade: unha das composicións poderá resultar seleccionada para ser estreada en concerto no Teatro Jofre o 16 de maio de 2023. Achegamos as bases deste gran certame. Non deixedes pasar esta oportunidade!

100 anos do manifesto "Máis Alá!"

Imaxe
  En 1922 Manuel Antonio redactaba o manifesto Máis Alá! : un manifesto vangardista que sinalaba a necesidade de ruptura coa tradición e de crear unha nova arte. Manuel Antonio neste orixinal manifesto non deixou de defender a nosa lingua sen ningún tipo de concesión. Este xoves ás 20.00 temos unha oportunidade de coñecer máis sobre este manifesto. Non o perdades!

IV Parladoiro do Xan Viaño

Imaxe
Un ano máis, énchenos de orgullo e ledicia presentar o IV Parladoiro do Xan Viaño. Unha iniciativa do Equipo de Convivencia que nos permite reencontrarnos cos nosos antigos alumnos e alumnas e desfrutar escoitando os seus consellos e experiencias. Non o perdades!. Vémonos o mércores 21 no noso auditorio!

25 anos difundindo o noso patrimonio!

Imaxe
Partituras de editorial Viso na Biblioteca Fontela Leal do Cmus Xan Viaño Este ano a editorial Viso cumpre 25 anos. 25 anos dunha intensísima labor de difusión da obra dos autores galegos e grazas á cal autores como Marcial del Adalid, Xoan Montes ou Chané foron recuperados para os repertorios habituais de concerto.  Nunha interesantísima entrevista publicada por La Voz de Galicia, Margarita Soto Viso, fundadora da editorial, sinala a importancia de que os nosos compositores cheguen a ser estudados ao mesmo nivel que o resto de artistas dentro da cultura e da arte. A editorial Viso leva estes 25 anos traballando incansablemente para que os nosos autores cheguen a formar parte dos nosos repertorios, e agora é o noso traballo facer soar todas estas partituras! Achegámosvos o enlace da entrevista a Margarita Soto Viso: A editorial dedicada a publicar partituras de autores galegos cumpre 25 anos.