Amodiño ma non troppo

Hoxe celebramos o día da nosa querida Rosalía de Castro, todo un referente da cultura e literatura da nosa terra.  Tal día coma hoxe, un 24 de febreiro do ano 1837, nacía en Santiago esta importantísima figura, que segue marcando profundamente xeración tras xeración. O Xan Viaño, únese á homenaxe que hoxe lle rende toda Galicia, cunha versión moi especial do seu famoso poema  Adiós ríos, adiós fontes  da súa obra  Cantares Gallegos . Dende o EDLG queremos dar as grazas a todos os participantes que desinteresadamente se animaron a participar neste proxecto: alumnado, profesorado, persoal de servizos, familias, ex-alumnos e ata os máis pequeniños, seguro que futuros alumnos do Xan Viaño... todos unidos nesta agarimosa homenaxe a nosa poetisa Rosalía. De xeito especial, queremos agradecer a participación e implicación de Águeda, Emma, Miguel, Paco, Javier Alama e Javier López, profesores que non son galegos de nacemento, pero que de seguro xa levan a  nosa língua n...

Hoxe animámosvos a que participedes no Cuarto concurso de microrrelatos, unha iniciativa da Real Academia Galega e de PuntoGal que  ten como obxectivo reforzar a presenza da lingua e da identidade propias no mundo dixital.   Establécense tres categorías - infantil, x uvenil e adultos -  polo que todos podemos participar.  Dende  o noso Equipo animámosvos a que escribades algún relato de temática musical aínda que o importante é que participedes. Podedes consultar as bases no seguinte enlace  https://relatos.gal O prazo remata o 28 de febreiro... Ánimo e a escribir tod@s!

Neste 21 de febreiro, Día da Lingua Materna, queremos recomendarvos esta sonata de Janáček, xa que é todo un manifesto.  Esta obra estrenouse co título de Na rúa, a 1 de outubro de 1905. Este título débese ao feito  de que esta sonata foi a resposta de Janáček aos tráxicos acontecementos de tal día.  O sentimento nacionalista bule polas provincias do Imperio, e os checos loitan pola a súa  identidade cultural e lingüística. Unha manifestación en Brno en apoio da fundación dunha  universidade checa, que ensine en checo e non en alemán remata cos soldados do  emperador cargando contra os manifestantes e coa morte do aprendiz de carpinteiro de vinte  anos, Fantisek Paulík. O impacto deste feito conmoveu a Janáček e levouno a escribir esta  sonata, dividida en dous movementos, O Presentimento e A morte.  Os estudos que Janáček realizou arredor da fonética da lingua checa xunto ás investigación  sobre a música tradicional leváronno a un estil...

Mañá 21 de febreiro celébrase en todo o mundo o Día Internacional da Lingua materna co  obxectivo de preservar e protexer todos os idiomas e dialectos que se falan no mundo.  Celébrase este día para rendirlle homenaxe ao pobo de Bangladesh, xa que, no ano 1952,  cando os seus habitantes estaban na rúa celebrando o Día do Movemento da Lingua Bengalí,  foron atacados polo exército de Pakistán. Moitos foron asasinados, aínda así, moitos mantivéronse firmes defendendo o seu dereito universal a expresarse na súa lingua.  A diversidade lingüística está cada día máis ameazada. Cada dúas semanas, como promedio,  unha lingua desaparece, e con ela todo un patrimonio cultural e intelectual.  Hoxe máis que nunca, debemos defender os dereitos das sociedades multilingües, e non  podemos permitir nin ser cómplices da extinción de todo un patrimonio cultural.

O próximo 24 de febreiro é o día da nosa querida poetisa Rosalía de Castro, e para celebralo, estamos a organizar un novo proxecto dende o ELDG do Xan Viaño. Trátase dun vídeo feito entre todos, recitando un dos seus poemas máis coñecidos. Se estás interesado en participar con nós nesta homenaxe, escríbemos antes do 18 de febreiro ao email edlgxanviano@gmail , indicando o teu nome e apelidos, e  poñerémosnos en contacto contigo para darche máis información sobre esta iniciativa aberta a todo o público. Anímate e participa con nós!!

Neste ano tan diferente, non debemos esquecer a importancia do Entroido, unha das festas máis tradicionais e enxebres de Galiza! A súa orixe está nas celebracións das tarefas agrarias e a chegada da primavera, pero ten elementos de orixe romana, cristiá e medieval. De feito Entroido, provén do latín do termo introitus , que significa entrada e que anuncia a chegada dunha nova estación, a primavera. Tamén é coñecido como carnaval, xa que para os cristiáns esta festa significa a despedida da carne antes da abstinencia da Coresma. En definitiva, o Entroido é unha época de festa e moita diversión no que o máis importante é disfrazarse, gozar das comidas típicas e pasalo ben! Hoxe invitámosvos a que escoitedes dúas obras importantes da historia da música, que fan referencia a esta festa tan singular: O Carnaval Op. 9  de Robert Schumann e o Carnaval dos animais de Saint-Saëns. Deixámosvos o enlace dun concerto didáctico no conservatorio para escolares, no ano 2012, onde profesores do ...

  Que sorpresa e que alegría ao coñecer que o CMUS Xan Viaño de Ferrol, acadou onte o terceiro premio do Concurso de Curtas Senda dos Faros, certame escolar convocado pola Secretaría Xeral de Política Lingüística da Consellería de Cultura e Turismo e a Dirección Xeral de Educación, Formación Profesional e Innovación Educativa da Consellería de Educación, Universidade e Formación Profesional, que ten como principal obxectivo poñer en valor a lingua, o patrimonio e a paisaxe da costa galega a través do audiovisual.  O alumnado da materia de Novas Tecnoloxías do pasado curso 2019-2020, dirixidos polo seu profesor Xabier Mariño Álvarez realizaron a curta A melodía do faro, que conta a historia dun fareiro de Cabo Prior namorado da música, con interpretación do propio alumnado do centro. Parabéns aos alumnos participantes na curta,  Anxo Cabado Allegue, Jéssica Criado Guinaldo, Nerea González Fernández, Hugo Loureiro Prieto, Alba Aguiar Blanco, Paula Amigo Vidal, Daniel A...