Amodiño ma non troppo

Dende o EDLG queremos dar os nosos parabéns a todos e todas as participantes do XIX Certame de Creación musical do Xan Viaño e ás profesoras do departamento de Composición polo gran éxito desta edición. Presentáronse un total de 12 obras, algunhas delas para piano só outras para trombón ou acordeón e música de cámara con dúos de trompa e piano, viola e arpa ou violonchelo e piano e un trío para clarinete, fagote e viola. Ata houbo unha compositora de grao elemental que compuxo para ensemble con frauta, dous clarinetes, congas e piano! As profesoras do departamento de Composición consideran que todas as obras presentadas son aptas para a estrea, e estas foron as obras galardoadas: -Primeiro premio: Harmonies ooubliéees e Luz de luna -Segundo premio: Pirate Song e Rondó -Terceiro premio: Recordos de outono As obras gañadoras do primeiro premio serán estradas no Concerto das Letras galegas do 16 de maio no Teatro Jofre e o resto escoitarémolas o 19 de maio no noso auditorio. Todo un éxi...

Onte celebramos o primeiro recital poético en colaboración entre o IES Carvalho Calero e o Xan Viaño. Unha emocionante xornada na que puidemos desfrutar da música do noso alumnado, do recitado do alumnado do Carvalho Calero e das oito poetisas galegas escolmadas por Pim Patiño para a ocasión. Non podiamos ter mellor maneira de rematar este mes de marzo! Sen dúbida, un broche de ouro que esperamos poder repetir en futuras ocasións! O noso agradecemento a Carmen Mato Filgueira polas lindas fotos que nos achega e podemos compartir con todas e todas vós!

Este mércores ás 12.30 temos unha cita con poesía e a música no noso auditorio. Música e poesía están íntimamente vencelladas e nesta ocasión teremos oportunidade de desfrutalos grazas ao recitado do alumnado do IES Carvalho Calero acompañados pola música creada polo noso propio alumnado. A piques de rematar este mes de marzo no que intentamos visibilizar o papel das mulleres compositoras, poñemos agora o foco nas poetisas galegas. Unha oportunidade única de coñecer novas autoras, a súa poesía, e como non, desfrutar da música. Esperemos que esta sexa a primeira das nosas colaboracións co Carvalho Calero. Vémonos este mércores no auditorio José Arriola!.  

Lamentamos ter que comunicarvos que por motivos de forza maior o concerto de Javier Otero Neira do vindeiro luns 13 de marzo ten de ser adiado para unha data posterior. Unha mágoa!  

  O vindeiro luns 13 de marzo ás 19:30 teremos a grandísima sorte de contar con Javier Otero Neira no Xan Viaño! Un dos pianistas galegos máis destacados e cunha ampla discografía que teremos a sorte de desfrutar no noso centro. Javier Otero é un artista polifacético e experimental que nos presentará obras propias para piano e piano e electrónica, e incluso nos ofrecerá unha pequena charla. Ademais Javier convídanos a interactuar con el! Algo único! Non o perdades!

Organizado pola Dinamización da Convivencia o próximo mércores día 8 teremos unha grandísima xornada no noso conservatorio con motivo do Día da Muller. Catro concertos ao longo de toda a tarde, nos que reivindicar a labor compositiva moitas veces silenciada das mulleres compositoras , e nos que como non, habéra compositoras galegas!. Non o perdades!