Amodiño ma non troppo

O Xan Viaño únese a homenaxe que toda Galicia lle rende hoxe á nosa querida Rosalía de Castro. Resulta moi emocionante escoitar os versos de Cantarte hei, Galicia,  un dos poemas iniciais d e Cantares Gallegos , nas voces dos nosos queridos alumnos e alumnas de 6º GP, rapaces e rapazas que vimos medrar como persoas e coma músicos no Xan Viaño. Como música de fondo, podemos escoitar a marabillosa música do compositor galego Andrés Gaos, concretamente a Sinfonía nº 2 Nas montañas de Galicia . Moitísimas grazas ao alumnado participante, por colaborar con nós nesta iniciativa. A pesar de estar desbordados polos estudos, fixéronnos un oco para gravar os fermosos versos deste poema para esta ocasión tan especial. Son todo un exemplo de esforzo e responsabilidade, sen dúbida o orgullo do Xan Viaño.

 Deixámosvos a ligazón da gravación do emotivo concerto do pasado sábado, no que como sabedes, estreábase a obra Ferrol 1972 do compositor Juan Durán. Podedes localizar a obra tras 1 hora e 20 m de gravación, e escoitar e sentir a emoción desta música adicada a aquel triste día, que significa tanto para a nosa cidade.

 Este curso o concurso de Retos Musicais da Biblioteca , leva o lema das bibliotecas escolares A biblioteca escolar ten a palabra , xunto co de O galego é música  do noso proxecto do Plan Proxecta + no que está inmerso o conservatorio. Deixámosvos os retos propostos e recordade que podedes participar ata o 17 de febreiro ás 21:00 h! Animádevos!! Reto 1:  https://bibliotecajosefontenlaleal.blogspot.com/2022/01/reto-musical-1-movemento-cultural-ao.html Reto 2:  https://bibliotecajosefontenlaleal.blogspot.com/2022/02/reto-musical-2-xenero-musical.html Reto 3:  https://bibliotecajosefontenlaleal.blogspot.com/2022/02/reto-musical-3-titulo-da-peza.html Grazas ao Equipo de Biblioteca por organizar iniciativas tan interesantes e por colaborar con nós no proxecto O galego é música !

Cada 10 de marzo celébrase o Día da Clase Obreira Galega , como memoria dos tráxicos sucesos na nosa cidade. Este ano conmemoranse 50 anos daquel triste día, e neste aniversario estrearase a obra Ferrol, 1972 do compositor galego Juán Durán. Non podedes perder esta estrea, que terá lugar este sábado 12 de febreiro no auditorio de Ferrol ás 20:30. Vémonos o sábado!

 Compartimos tres pezas do compositor galego Antonio Cerviño Loira, interpretadas por alumnado da materia de conxunto da especialidade de piano. Estas fermosas pezas, orixinalmente para piano a 4 mans, son interpretadas nesta ocasión a dous pianos, polas actuais restricións impostas pola Covid19. Grazas a Marta Ramos López de 1º GP e Sara Gil Vigo de 2º GP, que interpretan Tiruliru ,  a Andrei Cosmin Condurat de 1º GP e Martín Díaz Fernández de 2º GP pola súa Panxoliña ,  e a Antía Iglesias Fariña de 2º GP e Indara Brocos Furelos de 2º GP, que interpretan Muiñeira de Montesampaio . Grazas tamén a súa profesora Judith Fernández Casero, pola súa total implicación co noso proxecto O galego é música do Plan Proxecta+ , que como sabedes busca a visibilización e difusión da obra dos nosos compositores e compositoras galegas. De seguro que con todas estas iniciativas e achegas, estámolo acadando!