Amodiño ma non troppo

  O próximo xoves 16 de decembro ás 18:30 h, faremos unha emocionante viaxe ao pasado da nosa especie, da man do músico galego Abraham Cupeiro. Resoando no pasado é o nome do espectáculo didáctico que representará no auditorio do noso conservatorio, onde coñeceremos instrumentos doutras épocas e lugares, e teremos a oportunidade de escoitalos e de aprender así do noso pasado. Os interesados debedes reservar entrada no email edlgxanviano@gmail.com. As prazas son limitadas e se outorgarán por rigorosa orde de inscrición. Resoando no pasado é un agasallo para o Xan Viaño, unha marabillosa oportunidade que non nos podemos perder. 

Dende o EDLG animámosvos a participar no III Parladoiro do Xan Viaño, organizado polo Equipo de Convivencia do conservatorio, unha xornada na que desfrutar escoitando aos nosos antigos alumnas e alumnas aconsellando e compartindo as súas experiencias coas futuras xeracións.  Será a través de videoconferencia, o próximo venres 3 de decembro ás 18:00 h . Todos os interesados en asistir contactade a través do correo: convivenciaxanviano@gmail.com Non volo perdades!

Neste 2021, no que se cumpren 50 anos da chegada da especialidade de gaita aos conservatorios galegos, o equipo de Dinamización da Lingua galega xunto co Departamento de Música Tradicional convocan un concurso de creación artística adicado á figura de Henrique Otero, o primeiro profesor de gaita nun conservatorio de Galicia. Henrique Otero, tamén coñecido como o Gaiteiro de Fragoso, representa a transición do gaiteiro tradicional ao gaiteiro urbano con formación académica.  Con este concurso de creación artística, aberto a todo o alumnado do noso conservatorio, trataremos de difundir a súa figura e o seu legado dentro da nosa comunidade educativa. O prazo de inscrición e entrega de proxectos, remata o 18 de febreiro do 2022. Para máis información consultade as bases e boletín de inscrición dispoñibles na conserxería do conservatorio ou a través das seguintes ligazóns: https://drive.google.com/file/d/1tgewUlmy3J0pJl3SmfQCPtaILFBRx2rO/view?usp=sharing https://drive.google.com/file/d/1wcp

O pasado venres saía publicada a listaxe de centros admitidos para a súa participación no Plan Proxecta + durante o curso 2021/22, e o Xan Viaño aparecía como centro seleccionado nos dous proxectos solicitados:  Música Mestra!  e  O galego é música ! O  Plan Proxecta + é unha iniciativa da Consellería de Cultura, Educación e Universidade en colaboración con diferentes organismos, dirixida a fomentar a innovación educativa nos centros a través de programas educativos que fomenten o traballo cooperativo, interdisciplinar e competencial, pero que ademais estean comprometidos coa consecución dos obxectivos de desenvolvemento sostible da Axenda 2030.  Como recolle a Consellería na súa convocatoria, trátase dun plan que busca un avance nas dinámicas de mellora da calidade educativa e favorecer a innovación nos propios centros a través de programas externos que leven á motivación e ao traballo activo, cooperativo e en rede, do alumnado e do profesorado implicado.   O noso proxecto O galeg

Comezamos cunha das iniciativas centrais do EDLG deste curso, a designación das aulas do CMUS Xan Viaño con nomes de compositores e compositoras galegas, así como tamén de figuras relevantes da música galega de recoñecido prestixio. Este proxecto, que xurdiu como idea o curso pasado, por fin vese plasmado na primeira aula nomeada, a aula 37, que levará a partir de agora o nome do gran compositor galego, Marcial del Adalid. Miguel Sancho, Xefe de Departamento de Piano, na inauguración da nova aula Marcial del Adalid. Marcial del Adalid nado na Coruña no ano 1826 e falecido en Oleiros no 1881, foi un compositor   cunha obra principalmente para piano e voz, que presenta unha gran influencia de Frédéric Chopin.  A través do seguinte vídeo, realizado expresamente polo noso EDLG para a ocasión, coñeceredes máis de preto, a vida e a obra deste gran compositor galego. Animámosvos tamén a que visitedes a biblioteca do conservatorio, onde atoparedes moitas partituras de Marcial del Adalid.