Amodiño ma non troppo

Por fin compartimos o vídeo dos participantes no Reto a Casa de Fontenla Leal , actividade como sabedes organizada polo Equipo de Biblioteca e o EDLG do conservatorio. Queremos dar as grazas a todos os alumnos e alumnas participantes, así como tamén aos profes que se animaron a achegarse a casa onde naceu este intelectual galego tan importante: Alba Amado Formoso, José Andrés Freire Blanco, Carmen Freire Blanco, Celia Freire Blanco, Noa López Armada, Manuel Seijas Lago, Ismael Freire Vilariño, Iago Medel Cendán, André García Vigo, Jimena García Fernández, Mario Santalla Rico, Gabriel Espada Gutiérrez, Paco San Ramón Calvo, Quique Agrelo Otero, Águeda Gutiérrez Escudero, Catuxa Pita Evia, Isabel Fernández Alvar, Begoña Álvarez Feal e Iria Rico Fernández. Grazas tamén ás súas familias por animalos a participar e colaborar con nós! No vídeo que está feito con moito agarimo para todos vós, poderedes coñecer un pouco da vida de Fontenla Leal, un home que a pesar das dificultades de nacer de...

  Despois da celebración das Letras Galegas e a piques de rematar o curso, presentamos a derradeira entrega de traballos de Piano Complementario deste curso, adicados á figura de Ricardo Carvalho Calero. Como ben sabedes por pasadas entregas, estes alumnos poñen a súa voz no recitado do poema e a música  no acompañamento do piano, que eles mesmos crean seguindo estruturas harmónicas traballadas na aula durante o curso. Andrés Rodríguez Boutureira de 3º GP, Ana García Novo de 6º GP e Emma López Laundenbach de 6º de GP, alumno e alumnas da profesora Beatriz Varela Rodríguez, e Nerea González Fernández de 4º GP, alumna da profesora Raquel Paz Meana, son os autores destes fantásticos traballos. Parabéns pola vosa creatividade e expresividade, tanto na música como na poesía! Grazas tamén ás súas profesoras Beatriz e Raquel, por animalos a participar nesta iniciativa a prol da visibilización de Carvalho Calero.  Seguro que no vindeiro ano, seguiremos no Xan Viaño con máis ...

O de onte foi un acontecemento moi especial e emocionante, no que puidemos compartir a música dos nosos compositores galegos co pobo de Ferrol. O recital, que pechaba a xornada de Voar sobre o ceo en honor das Letras Galegas deste ano, foi todo un éxito, superando todas as nosas expectativas e completando o aforo habilitado para o público. Emocionounos moitísimo, ver entre o público a alumnos e alumnas do Xan Viaño, profesores e ata antigos profesores do noso conservatorio, que se achegaron a gozar deste recital tan especial e a amosar o seu apoio aos seus compañeiros. De seguro que imos recordar este concerto, que tivo lugar nun clima máxico e cunha atención moi profesional polos organizadores do evento, superando a barreira marcada pola Covid-19 e logrando que os nosos alumnos e alumnas enchesen de música galega a Praza de Armas de Ferrol. Moitísimas grazas ao Concello de Ferrol por invitarnos a participar e por darnos a oportunidade de compartir co pobo de Ferrol a música dos nosos...

E pechamos esta iniciativa das Músicas galegas con Aitana López Caaveiro interpretando o fermoso  Intermezzo nº 2 O val da Inquedanza do prolífico compositor Juán Durán. Agradecemos a todos os alumnos e alumnas participantes, e por suposto tamén a todo o profesorado, que nos axudou a comezar este bonito e interesante proxecto, co obxectivo de visibilizar e difundir a música dos compositores galegos.

O prazo para superar o reto da Casa de Fontenla Leal remata! Este luns será o último día para atopar a casa do bibliógrafo que da nome a nosa Biblioteca e mandarnos unha foto ao email edlgxanviano@gmail.com A vindeira semana publicaremos todas as fotos recibidas (son moitos os que xa superaron o reto) e repartirmos entre os alumnos e alumnas participantes, un pequeno agasallo como recordo da actividade. Aproveitade esta última oportunidade de participar!

 Aquí temos a Sara Gil Vigo interpretando a Habanera Aurora, obra de José Arriola, composta cando tiña tan só 3 anos! José Arriola, autor que da nome ao auditorio do Xan Viaño, popularmente coñecido como Pepito Arriola, foi unha figura moi controvertida que pasaría á historia como neno prodixio do piano.

  Este sábado 22 de maio, estaremos na celebración das Letras Galegas do Concello de Ferrol, dentro da xornada Voar sobre a terra, cun recital de música galega a cargo dos nosos alumnos e alumnas do Xan Viaño! Grazas ao Concello de Ferrol, poderemos compartir co pobo de Ferrol a iniciativa de Músicas Galegas , que o noso Equipo de Dinamización da Lingua Galega organizou para difundir a música e a figura dos compositores galegos. O recital terá lugar ás 20:30 h, na Praza de Armas de Ferrol. As entradas, que son gratuítas, hainas que reservar na seguinte ligazón: https://entradas.ataquilla.com/ventaentradas/es/otras-musicas/praza-de-armas/12140--letras-galegas-voar-sobre-a-terra-recital-de-musica-galega-cmus-xan-viano.html Esperámosvos o sábado!

  Meditacións sobre un bemol é unha composición para piano, escrita polo compositor galego Jose Luis Pedrosa, que hoxe temos a sorte de escoitar nas mans de Ainhoa Sanmiguel Pintor, interpretando a meditación nº 2. Moitísimas grazas Ainhoa, por unirte á iniciativa de Músicas Galegas para promocionar ás nosas compositoras e compositores galegos!

Continuando coa iniciativa de Músicas Galegas, compartimos hoxe a grabación de Un recordo de Marcial del Adalid, na versión de Noa Cortizas Fernández alumna de piano de 3º GP. Marcial del Adalid foi un importante compositor nado na Coruña no ano 1826, cunha obra principalmente para piano e voz. Esperamos que disfrutedes da interpretación de Noa e da fermosa música de Marcial del Adalid! 

Marabilloso o vídeo que nos envía o alumno Andrés Rodríguez Boutureira, interpretando Folías Galegas do compositor, guitarrista e mestre, Santiago de Murcia (1673-1739). Ademais de poder escoitar a peza, o vídeo inclúe unha interesantísima introdución realizada por Andrés, achegándonos ao compositor e á súa obra Folías . Moitísimas grazas e parabéns a Andrés pola interpretación e realización da montaxe do vídeo. Grazas tamén a súa profesora Águeda Gutiérrez Escudero, por participar na iniciativa de Músicas Galegas , nesta homenaxe na semana das Letras Galegas .

  Hoxe, día grande das nosas letras, tivemos tamén unha gran nova para a nosa música. Un antigo alumno do Xan Viaño, o barítono Gabriel Alonso, acaba de publicar No camiño , un percorrido por dous séculos de canción galega.  Así que non perdades esta fantástica oportunidade de achegarvos á nosa música. Deixámosvos este vídeo como pequena mostra deste traballo. Parabéns Gabriel! Grazas pola difusión das nosas músicas!

Este ano escríbese con X, de Xela Arias e de Xan Viaño, que está de 30 aniversario! Hoxe, no Día das Letras Galegas, énchenos de orgullo publicar esta emocionante versión do Himno Galego que nos achegan os nenos e nenas de cuarto de grao elemental.  Se hai algo que nos une a todos e todas é o noso himno, e grazas a estes nenos e nenas que novamente colaboran con este equipo, podemos escoitalo.  Grazas tamén á súa profesora de linguaxe musical, Catuxa Pita, por tantas e tantas horiñas de traballo que fan posible que co uso das novas tecnoloxías poidamos seguir escoitando as voces destes nenos e nenas con seguridade, nestes tempos de pandemia que estamos a vivir. Recentemente fixemos unha actividade de difusión da figura de Fontenla Leal, así que aproveitamos o día de hoxe para lembrar a importancia da súa figura na elaboración do noso himno.  Hoxe é o día de Xela Arias, o de Carvalho Calero, o das nosas letras, o das nosas músicas, e en definitiva, o día de todos os galego...

  Hoxe presentamos O Principiño escrita no 2007 polo compositor ourensán Xoán Antón Vázquez Casas e inspirada na obra homónima de Saint-Exupérie. Temos a sorte de escoitala na versión de Lara Lorenzo Hernández (piano) e Lucas Marino Lanza (violín).  Grazas á súa profesora, Iria Rico Fernández por colaborar con este equipo, no noso ilusionante proxecto de achegamento e difusión dos nosos compositores e compositoras.

  En vésperas do Día das Letras Galegas, compartimos a homenaxe que preparamos no conservatorio, decorando a cristaleira do auditorio con estes motivos adicados ás nosas músicas galegas e ás nosas letras, en especial á escritora homenaxeada este ano, Xela Arias. Esperamos que vos guste e que gocedes destes días de descanso, recuperando forzas de cara a fin de curso!

Este EDLG defende a nosa lingua, a nosa cultura, e por suposto, a nosa música. Por iso animamos a todo o noso alumnado e profesorado a incorporar no seu repertorio pezas de compositores e compositoras galegas Hoxe publicamos con gran ledicia o segundo movemento da Sonata para clarinete e piano do compositor Carlos Cambeiro Alís na interpretación de Alicia Iglesias Fernández  (piano) e Iván Rey Martínez (clarinete).  Grazas á súa profesora de conxunto, Soraya García Riveiros, por colaborar con nós nesta iniciativa pola nosa música!