Amodiño ma non troppo

Rematamos este trimestre e o 2021 e pechamos este blog por este ano, dun xeito fermosísimo, con sete voces dos nosos alumnos e alumnas de 1º de grao profesional. Grazas a súa profesora, Catuxa Pita por manter a ilusión, facer esta montaxe e compartila con nós. Con eles queremos desexarvos unhas felices festas e unha boa entrada no 2022!

Apuntade na axenda: 22 de decembro ás 19.00 na capela do centro cultural Torrente Ballester. Este día, primeiro día das vacacións, teremos a  presentación da “Antoloxía da Poesía en Galego - Ernesto Guerra da Cal". Contará ademáis cun acto musical de Isabel Rei Samartim e María Giménez Fernández. Boa maneira de estrear vacacións!

Un día como hoxe, 20 de decembro de 1907, estreábase no Centro Gallego de La Habana, hoxe Gran Teatro de La Habana, o Himno Galego. A estrea foi unha grandiosa homenaxe ao músico Pascual Veiga, dentro dun acto para recadar fondos para un mausoleo para o músico na súa cidade natal, Mondoñedo. Pascual Veiga (1842-1906) foi un compositor galego, autor da popular Alborada e a música do Himno galego, e figura fundamental do noso Rexurdimento. En breve a aula 17 do noso centro levará o nome de Pascual Veiga, para renderlle a nosa pequena homenaxe a este mito da música galega e da galeguidade. Como curiosidade, un dos principais promotores do noso himno é outra figura ben coñecida no noso conservatorio, Xosé Fontenla Leal (que da nome á nosa biblioteca), que mantivo constante contacto con Eduardo Pondal (autor da letra) e Pascual Veiga para a composición do noso himno, así como tamén promoveu a súa estrea. Propoñémosvos dúas versións para celebrar este aniversario, a da Orquestra Sinfónica

 Moi emocionados saímos onte do marabilloso espectáculo que vivimos con Abraham Cupeiro co seu Resoando no Pasado . Moitos de nós, despois de moito tempo por mor da pandemia, sentíamos de novo a satisfacción e a ilusión dun concerto tan especial no noso auditorio.  Co aforo completo, nenos e maiores desfrutamos dunha viaxe trepidante por todo o mundo e por toda a nosa historia. Pedagóxico, divertido, e moi moi emocionante, Abraham fixo que o tempo pasase moi axiña e que puidésemos experimentar e revivir intensamente a música dos nosos antepasados. Estamos inmensamente agradecidos a Abraham, Coordinador do EDLG do Conservatorio Profesional de Música Xoán Montes de Lugo, pola súa xenerosidade ao compartir desinteresadamente todo o seu talento e seu gran traballo co Xan Viaño.  Dende o noso EDLG esperamos que esta colaboración co EDLG do CMUS Xoán Montes de Lugo, sexa a primeira de moitas iniciativas conxuntas a prol da nosa cultura e a nosa lingua. Algunas fotos máis de Abraham cos nenos

Dende o equipo de Biblioteca nos informan da chegada duns fermosos contos en galego sobre importantes compositores da historia.   Mozart e a frauta máxica, Está anoxado, señor Beethoven?, O violín máxico de Vivaldi e A fuga do señor Bac h, son os títulos desta colección da editorial Galinova, que agora podemos desfrutar na nosa biblio. Recomendados para o alumnado de grao elemental, contan cunhas fermosas ilustracións e un textos en galego moi entretidos, que nos achegarán de forma moi amena, ás figuras de Mozart, Beethoven, Vivaldi e Bach. Que mellor plan para o Nadal, que escoitar música e ler contos en galego, e por riba de temática musical! Achégate á biblio e colle prestado o teu libro! Grazas ao Equipo de Biblioteca por ampliar os fondos en galego do Xan Viaño, e por colaborar sempre co noso EDLG.

Como ben sabedes a nosa aula de orquestra leva o nome do compositor ferrolán Gregorio Baudot, pero sabiades que en Ferrol hai unha rúa que leva o seu nome? Pois aquí vai o noso reto: atopade esa rúa e tirade a vosa foto nela. Aproveitade estas festas para afrontar o reto  e enviade as vosas fotos a: edlgxanviano@gmail.com . Publicaremos neste blog  todas as vosas fotos.

Recordades que hai ben pouco estreábamos a nosa aula Marcial del Adalid? Pois estamos de sorte! Imos poder escoitar a súa música en directo no teatro da nosa cidade.  O vindeiro mércores 15 ás 20:30 h da man dos tamén compositores galegos Juán Durán e Margarita Soto Viso, poderemos escoitar as obras de Marcial del Adalid para piano a catro mans. Reservade xa a vosa entrada!

Coñecedes e lenda de María Solinha? Pois hoxe chega ás salas de cine de Ferrol a película que traslada aos nosos tempos esta figura do século XVII, acusada de bruxería e queimada pola Inquisición. Dende este Equipo de Dinamización da Lingua queremos apoiar o cine en galego e animarvos a aproveitar este días para desfrutar desta película, que conta ademais cunha marabillosa banda sonora escrita por Abraham Cupeiro. A estrea é hoxe, pero mañá haberá un coloquio co director, Ignacio Villar, despois da proxección da película. Non o perdades!