25 anos difundindo o noso patrimonio!

-

Partituras de editorial Viso na Biblioteca Fontela Leal do Cmus Xan Viaño

Este ano a editorial Viso cumpre 25 anos. 25 anos dunha intensísima labor de difusión da obra dos autores galegos e grazas á cal autores como Marcial del Adalid, Xoan Montes ou Chané foron recuperados para os repertorios habituais de concerto. 

Nunha interesantísima entrevista publicada por La Voz de Galicia, Margarita Soto Viso, fundadora da editorial, sinala a importancia de que os nosos compositores cheguen a ser estudados ao mesmo nivel que o resto de artistas dentro da cultura e da arte.

A editorial Viso leva estes 25 anos traballando incansablemente para que os nosos autores cheguen a formar parte dos nosos repertorios, e agora é o noso traballo facer soar todas estas partituras!

Achegámosvos o enlace da entrevista a Margarita Soto Viso: A editorial dedicada a publicar partituras de autores galegos cumpre 25 anos.

Comentarios

Publicar un comentario

Publicacións populares deste blog

Recuncho de Rosalía

-
Imaxe
O pasado venres inauguramos o noso recunchiño de Rosalía plantando unha camelia dedicada á nosa querida poetisa no noso xardín. Honrando os seus versos: "Como chove miudiño, como miudiño chove..." choveunos! Mais malia esa choiva alí estiveron acompañando ao EDLG os nosos queridos gaiteiros Candela e Antón interpretando a Alborada de Rosalía. Dende o EDLG queremos dar as grazas a todo o alumnado, profesorado, nais e pais que se achegaron para compartir con nós este lindo momento. Esperamos que este recuncho sexa un lugar de compartir moita poesía e como non, moita música! Canta paxariño canta Canta no Xan Viaño!  
Ler máis

I Concurso Falamus!

-
Imaxe
Como ben sabedes o Xan Viaño ten unha revista que se publica anualmente. Pois ben, este ano gustaríanos contar coa axuda de todas e todos para deseñar a portada da contraportada da nosa revista. Con esta idea o EDLG convoca este primeiro concurso de debuxos, fotografías e deseños para que todo o profesorado, alumnado, pais e nais, e resto da comunidade educativa participe na nosa revista Falamus! nº 14 Collede lápiz, ordenador ou cámara e mandade os vosos proxectos! Atentos! Achegamos as bases deste concurso, mais tamén as tedes na conserxería ou no taboleiro do EDLG.
Ler máis

Día de Rosalía no Xan Viaño

-
Imaxe
Un ano máis o Xan Viaño rinde homeaxe á nosa querida poetisa Rosalía. O Día de Rosalía pasou a celebrarse, dende o pasado ano, o 23 de febreiro e non o 24, como ata agora grazas ao descubremento da investigadora Sagrario Abelleira, que corrixiu a data de nacemento da autora. Este ano presentamos o famosísimo poema "Campanas de Bastabales". Os seus tan coñecidos e apreciados versos nas voces do noso alumnado fundido coa música de Rogelio Groba queren homenaxear á nosa autora máis universal e capaz de unir a todos os galegos e galegas. Grazas a André, Xiana, Aldara, Sara, Rubén, Isabel, Mateo e Anxo por facer que esas Campanas de Bastabales sigan dando a volta ao mundo.
Ler máis