Musicando a Carvalho Calero
Alumnas e alumnos de Piano complementario do Xan Viaño, súmanse á homenaxe que dende o noso centro queremos renderlle este ano á figura de Carvalho Calero. Nas vindeiras semanas iremos compartindo traballos realizados por estas alumnas e alumnos, nos que, para un poema de Carvalho Calero adaptan unha das estruturas harmónicas traballadas na clase de Piano complementario. Eles poñen todo, a súa voz na poesía e a música de fondo interpretada no piano... o resultado é verdadeiramente fermoso.
Hoxe compartimos a primeira fornada destes traballos das alumnas Candela Rañal (5º GP), María López Carballo (5º GP) e Blanca Alvariño (4º GP), pero xa vos adiantamos que estanse a preparar máis, que pronto publicaremos.
Grazas a todas as alumnas e alumnos que participan nesta proposta, polo seu esforzo e dedicación, xa que aínda que na maioría dos casos o piano non é a súa especialidade instrumental, fanno extraordinariamente ben. Parabéns!
Grazas á profesora de Piano complementario Raquel Paz por animar ás súas alumnas e alumnos a participar nesta iniciativa do Equipo de Dinamización da Lingua Galega e a Suso Iglesias, profesor encargado das Tic's e asiduo colaborador do noso blog, pola achega de moitas das imaxes empregadas nos videos.
Esperamos que gocedes da música e da poesía de Carvalho Calero nesta humilde homenaxe dende o Xan Viaño.
Parabéns a Candela Rañal, Blanca Alvariño e María López polos seus vídeos, pola súa interpretación e creación musical, polo seu recitado e pola súa implicación, así como á súa profesora Raquel Paz e a Alma Cendán e Alexandra Pita pola iniciativa.
ResponderEliminarUns momentos feiticeiros que contribúen á difusión da figura de Ricardo Carvalho Calero.
Grazas por compartilo con todos nós.
Moitísimas grazas Catuxa polos túas palabras, que sempre nos animan a seguir adiante cos nosos proxectos a favor da lingua e cultura galega.
EliminarFermosas composicións de piano, fotomontaxe e espresión lírica. Parabéns a alumnas profesor e profesora. Para as que fumos alumnas de D. Ricardo é moi emocionante. Grazas, amodiño non tropo.
ResponderEliminarMoitísimas grazas Charo polos túas verbas. Comentarios así, anímannos moitísimo a seguir traballando a prol da dinamización da nosa lingua e cultura. Grazas por seguirnos.
EliminarParabéns por este proxecto.Bravo polas alumnas e bravo pola mestra!
ResponderEliminarUn fermoso traballo,coa nosa lingua nai e a nai de todalas linguas,a música!
Moitísimas grazas! Os vosos comentarios dannos folgos para seguir adiante cos proxectos que temos programados a prol da lingua e cultura galega, onde a música por suposto, non pode faltar. Grazas por seguirnos!
EliminarParabéns por este proxecto.Bravo polas alumnas e bravo pola mestra!
ResponderEliminarUn fermoso traballo,coa nosa lingua nai e a nai de todalas linguas,a música!