Estrea de Hildegart de Juan Durán

-

Un dos proxectos que iniciamos o ano pasado, e co que continuamos este curso, é a visibilización da figura e obra dos nosos compositores e compositoras galegas. Nos auditorios e conservatorios, apenas se programan obras creadas por compositoras e compositores nados en Galicia, polo que pensamos que é preciso sacar á luz todo este valioso patrimonio cultural, e instauralo nas nosas ensinanzas de música.

Por iso, o vindeiro venres día 8 de outubro, ás 20:30 h, no auditorio de Ferrol, temos a gran oportunidade de asistir a estrea absoluta da obra Hildegart (Ballet) composta polo galego Juan Durán, a cargo da Real Filharmonía de Galicia.

A Real Filharmonía de Galicia abre a súa tempada 2021/2022 con este concerto titulado Viaxeiras Rebeldes, no que se interpretará Hildegart, peza baseada na tráxica historia de Hildegart Rodríguez Carballeira, e Cincenta (Ballet-selección) de Sergei Prokofiev, ambas baixo a dirección de Paul Daniel.

Deixámosvos mais información, nas seguintes ligazóns:


Animádevos a asistir a este gran concerto!


Comentarios

Publicar un comentario

Publicacións populares deste blog

17 de maio. Himno galego

-
Imaxe
Este ano escríbese con X, de Xela Arias e de Xan Viaño, que está de 30 aniversario! Hoxe, no Día das Letras Galegas, énchenos de orgullo publicar esta emocionante versión do Himno Galego que nos achegan os nenos e nenas de cuarto de grao elemental.  Se hai algo que nos une a todos e todas é o noso himno, e grazas a estes nenos e nenas que novamente colaboran con este equipo, podemos escoitalo.  Grazas tamén á súa profesora de linguaxe musical, Catuxa Pita, por tantas e tantas horiñas de traballo que fan posible que co uso das novas tecnoloxías poidamos seguir escoitando as voces destes nenos e nenas con seguridade, nestes tempos de pandemia que estamos a vivir. Recentemente fixemos unha actividade de difusión da figura de Fontenla Leal, así que aproveitamos o día de hoxe para lembrar a importancia da súa figura na elaboración do noso himno.  Hoxe é o día de Xela Arias, o de Carvalho Calero, o das nosas letras, o das nosas músicas, e en definitiva, o día de todos os galegos e galegas. C
Ler máis

Carvalho Calero no mundo enteiro

-
Imaxe
Hoxe presentamos unha entrega moi moi especial na nosa permanente homenaxe a Carvalho Calero, cun dos seus poemas máis fermosos recitado por varios dos nosos antigos alumnos que hoxe están polo mundo enteiro. Ferrol, 1916 emociónanos nas súas voces, e dende o Equipo de Dinamización da Lingua Galega, non podemos estar máis orgullosas e agradecidas por colaboraren con nós na difusión do noso patrimonio cultural e na reivindicación da figura de Carvalho Calero. Parabéns a todos eles e grazas de todo corazón !
Ler máis

Adiós ríos adiós fontes dende o Xan Viaño

-
Imaxe
Hoxe celebramos o día da nosa querida Rosalía de Castro, todo un referente da cultura e literatura da nosa terra.  Tal día coma hoxe, un 24 de febreiro do ano 1837, nacía en Santiago esta importantísima figura, que segue marcando profundamente xeración tras xeración. O Xan Viaño, únese á homenaxe que hoxe lle rende toda Galicia, cunha versión moi especial do seu famoso poema  Adiós ríos, adiós fontes  da súa obra  Cantares Gallegos . Dende o EDLG queremos dar as grazas a todos os participantes que desinteresadamente se animaron a participar neste proxecto: alumnado, profesorado, persoal de servizos, familias, ex-alumnos e ata os máis pequeniños, seguro que futuros alumnos do Xan Viaño... todos unidos nesta agarimosa homenaxe a nosa poetisa Rosalía. De xeito especial, queremos agradecer a participación e implicación de Águeda, Emma, Miguel, Paco, Javier Alama e Javier López, profesores que non son galegos de nacemento, pero que de seguro xa levan a  nosa língua no seu corazón.
Ler máis