Arrincamos!

-

Dende EDLG queremos darvos a benvida a este novo curso, e invitarvos a participar con nós nos proxectos e iniciativas que temos programadas no conservatorio, a prol do fomento da nosa lingua e a nosa cultura, e que precisan a implicación de toda a comunidade educativa.

Sabedes que estamos abertos as vosas suxestións e propostas, así que podedes escribirnos ao email do EDLG do Xan Viaño edlgxanviano@gmail.com. Estaremos encantados de recibir as vosas achegas!

E para comezar con moita forza este novo curso, queremos compartir un vídeo que se fixo viral e que seguro xa coñecedes, que amosa a triste realidade do galego nas novas tecnoloxías.  Deixámosvos con Moiraima, a meniña que con tanta tenrura e simpatía, nos abraia e nos dá folgos para continuar promovendo e defendendo a nosa lingua.

https://www.facebook.com/alexandra.fisteus/posts/10226912876152366

Fonte orixinal de Alexandra Fisteus


Fonte da ilustración: A SILVEIRA de KIKO DA SILVA - 19/09/2021 EL CORREO GALLEGO 

https://www.elcorreogallego.es/opinion/a-silveira/a-silveira-do-dia-KY9023682?fbclid=IwAR18kfwQLazVC_i4HeXAy4fbmoeax8NSB43mJof_9dZU4z1hvAEzTwYkpq4

Comentarios

Publicar un comentario

Publicacións populares deste blog

Recuncho de Rosalía

-
Imaxe
O pasado venres inauguramos o noso recunchiño de Rosalía plantando unha camelia dedicada á nosa querida poetisa no noso xardín. Honrando os seus versos: "Como chove miudiño, como miudiño chove..." choveunos! Mais malia esa choiva alí estiveron acompañando ao EDLG os nosos queridos gaiteiros Candela e Antón interpretando a Alborada de Rosalía. Dende o EDLG queremos dar as grazas a todo o alumnado, profesorado, nais e pais que se achegaron para compartir con nós este lindo momento. Esperamos que este recuncho sexa un lugar de compartir moita poesía e como non, moita música! Canta paxariño canta Canta no Xan Viaño!  
Ler máis

Rosa de abril

-
Imaxe
Hai mellor maneira de comezar este mes de abril que con versos de Rosalía de Castro e música de Andrés Gaos nas voces de nenos e nenas de toda Galiza? Claro que non! Aquí temos esta linda versión na que participaron os e as pequecoristas do noso conservatorio na primeira edición de “ No Bico un cantar, nenos e nenas  cantan a Rosalía”, organizada polo Consello da Cultura Galega, no marco da celebración do 150 aniversario da edición de “ Cantares gallegos”. Aquel 7 de xuño de 2013 máis de cincocentos nenos e nenas cantaban a Rosalía en Bonaval, a nosa emoción ao escoitalos anos despois é igual ou maior que aquel día. Feliz comezo de abril con esta xoia do noso patrimonio poético-musical! Rosa de abril  Nasin cando as prantas nasen, no mes das froles nasín, nunha alborada mainiña, nunha alborada de abril. Por eso me chaman Rosa, mais a do triste sorrir, con espiñas para todos, sin ningunha para ti. Desque te quixen, ingrato, todo acabóu para min, que eras ti para min todo, miña groria e
Ler máis

I Concurso Falamus!

-
Imaxe
Como ben sabedes o Xan Viaño ten unha revista que se publica anualmente. Pois ben, este ano gustaríanos contar coa axuda de todas e todos para deseñar a portada da contraportada da nosa revista. Con esta idea o EDLG convoca este primeiro concurso de debuxos, fotografías e deseños para que todo o profesorado, alumnado, pais e nais, e resto da comunidade educativa participe na nosa revista Falamus! nº 14 Collede lápiz, ordenador ou cámara e mandade os vosos proxectos! Atentos! Achegamos as bases deste concurso, mais tamén as tedes na conserxería ou no taboleiro do EDLG.
Ler máis