Xa chegou a nova Revista Falamus nº 12!

-



Xa chegou a nova edición da nosa revista Falamus, recollendo todo o acontecido durante este curso tan atípico marcado pola Covid-19, pero tamén cheo de actividades culturais e interesantes iniciativas no noso conservatorio.

Moitísimas grazas ao Ciclo superior de Deseño e Edición de Publicacións Impresas e Multimedia do IES Leixa, de xeito especial á profesora María Salas e a Aldara López Hinojosa, alumna encargada este ano da maquetación, por axudarnos un ano máis coa edición da nosa querida revista escolar.

Grazas a todos os colaboradores da revista, tanto aos autores dos artigos como aos participantes nas actividades e iniciativas aquí recollidas, xa que sin vós non sería posible esta duodécima edición de Falamus.

https://drive.google.com/file/d/1NMEROAWYCls60rjOvEZGPeamvxmtOeqs/view?usp=sharing 

Esperamos que gocedes coa súa lectura, recordando os bos momentos deste curso 20-21.

Feliz verán!

Comentarios

Publicar un comentario

Publicacións populares deste blog

Recuncho de Rosalía

-
Imaxe
O pasado venres inauguramos o noso recunchiño de Rosalía plantando unha camelia dedicada á nosa querida poetisa no noso xardín. Honrando os seus versos: "Como chove miudiño, como miudiño chove..." choveunos! Mais malia esa choiva alí estiveron acompañando ao EDLG os nosos queridos gaiteiros Candela e Antón interpretando a Alborada de Rosalía. Dende o EDLG queremos dar as grazas a todo o alumnado, profesorado, nais e pais que se achegaron para compartir con nós este lindo momento. Esperamos que este recuncho sexa un lugar de compartir moita poesía e como non, moita música! Canta paxariño canta Canta no Xan Viaño!  
Ler máis

I Concurso Falamus!

-
Imaxe
Como ben sabedes o Xan Viaño ten unha revista que se publica anualmente. Pois ben, este ano gustaríanos contar coa axuda de todas e todos para deseñar a portada da contraportada da nosa revista. Con esta idea o EDLG convoca este primeiro concurso de debuxos, fotografías e deseños para que todo o profesorado, alumnado, pais e nais, e resto da comunidade educativa participe na nosa revista Falamus! nº 14 Collede lápiz, ordenador ou cámara e mandade os vosos proxectos! Atentos! Achegamos as bases deste concurso, mais tamén as tedes na conserxería ou no taboleiro do EDLG.
Ler máis

Día de Rosalía no Xan Viaño

-
Imaxe
Un ano máis o Xan Viaño rinde homeaxe á nosa querida poetisa Rosalía. O Día de Rosalía pasou a celebrarse, dende o pasado ano, o 23 de febreiro e non o 24, como ata agora grazas ao descubremento da investigadora Sagrario Abelleira, que corrixiu a data de nacemento da autora. Este ano presentamos o famosísimo poema "Campanas de Bastabales". Os seus tan coñecidos e apreciados versos nas voces do noso alumnado fundido coa música de Rogelio Groba queren homenaxear á nosa autora máis universal e capaz de unir a todos os galegos e galegas. Grazas a André, Xiana, Aldara, Sara, Rubén, Isabel, Mateo e Anxo por facer que esas Campanas de Bastabales sigan dando a volta ao mundo.
Ler máis