Concurso Ricardo Portela

-

 


Este ano 2020 foi o ano Beethoven, o ano Tartini, e tamén o ano do noso querido gaiteiro, Ricardo Portela. 

O equipo de dinamización da Lingua galega comprácese en convidar a todo o Xan Viaño a participar nun concurso homenaxe desta figura emblemática da cultura galega.

Propoñemos o programa Alalá adicado a Ricardo Portela como inspiración para os vosos proxectos. 

Alalá nº 111 "Ricardo Portela" - TVG - YouTubewww.youtube.com › watch

A continuación deixámosvos as bases do concurso.

Ánimo e a participar!!!


BASES CONCURSO RICARDO PORTELA

Neste ano 2020, centenario do nacemento do gran gaiteiro Ricardo Portela, o Equipo de Dinamización da Lingua Galega xunto co Departamento de Música Tradicional, convoca un concurso de creación artística para rendirlle homenaxe, a esta figura emblemática da cultura galega co obxectivo de dar a coñecer a súa figura, difundir o seu legado e o seu estilo e técnica interpretativa.


1. DESTINATARIOS

Poderán participar todos os alumnos e alumnas do Xan Viaño de todas as idades e todos os cursos.

2. INSCRICIÓN

Poderán presentarse todo tipo de proxectos inspirados na figura de Ricardo Portela: relatos e todo tipo de creacións literarias, vídeos, audios, mapas conceptuais, todo tipo de creacións plásticas, obras musicais adicadas ou inspiradas en Ricardo Portela, interpretacións propias do seu repertorio, transcricións descritivas das súas interpretacións…
Os proxectos deberán ser orixinais e inéditos.

3. PRESENTACIÓN DOS PROXECTOS

Os proxectos poderán ser enviados á conta de correo electrónico: edlgxanviano@gmail.com, ou ben na conserxería do centro nun sobre pechado e indicando en ambos casos nome, apelidos, idade e curso.
Todos os proxectos poderán ser presentados dende o 4 de decembro ata o 5 de febreiro do 2021 (ambos inclusive).

4. XURADO

O xurado do concurso estará formado polos membros do Equipo de Dinamización da Lingua e o Departamento de Música Tradicional.
O fallo do xurado darase a coñecer o venres 12 de febreiro.
As decisións do xurado serán soberanas e inapelables.

5. PREMIO

Haberá un premio único, que será o libro: Ricardo Portela, de gaiteiro a gaiteiro, asinado polo seu autor, Carlos Núñez. 
A obra premiada e o resto de obras presentadas poderán ser difundidas polo Equipo de Dinamización da Lingua Galega e polo Departamento de Música Tradicional do CMUS Xan Viaño de Ferrol.


A inscripción no concurso supón a aceptación das bases na súa totalidade
Todas as cuestións non reflectidas nestas bases serán estudadas pola organización do concurso para a súa resolución.








Comentarios

Publicar un comentario

Publicacións populares deste blog

17 de maio. Himno galego

-
Imaxe
Este ano escríbese con X, de Xela Arias e de Xan Viaño, que está de 30 aniversario! Hoxe, no Día das Letras Galegas, énchenos de orgullo publicar esta emocionante versión do Himno Galego que nos achegan os nenos e nenas de cuarto de grao elemental.  Se hai algo que nos une a todos e todas é o noso himno, e grazas a estes nenos e nenas que novamente colaboran con este equipo, podemos escoitalo.  Grazas tamén á súa profesora de linguaxe musical, Catuxa Pita, por tantas e tantas horiñas de traballo que fan posible que co uso das novas tecnoloxías poidamos seguir escoitando as voces destes nenos e nenas con seguridade, nestes tempos de pandemia que estamos a vivir. Recentemente fixemos unha actividade de difusión da figura de Fontenla Leal, así que aproveitamos o día de hoxe para lembrar a importancia da súa figura na elaboración do noso himno.  Hoxe é o día de Xela Arias, o de Carvalho Calero, o das nosas letras, o das nosas músicas, e en definitiva, o día de todos os galego...
Ler máis

Carvalho Calero no mundo enteiro

-
Imaxe
Hoxe presentamos unha entrega moi moi especial na nosa permanente homenaxe a Carvalho Calero, cun dos seus poemas máis fermosos recitado por varios dos nosos antigos alumnos que hoxe están polo mundo enteiro. Ferrol, 1916 emociónanos nas súas voces, e dende o Equipo de Dinamización da Lingua Galega, non podemos estar máis orgullosas e agradecidas por colaboraren con nós na difusión do noso patrimonio cultural e na reivindicación da figura de Carvalho Calero. Parabéns a todos eles e grazas de todo corazón !
Ler máis

Musicando a Carvalho Calero

-
Imaxe
 Alumnas e alumnos de Piano complementario do Xan Viaño, súmanse á homenaxe que dende o noso centro queremos renderlle este ano á figura de Carvalho Calero. Nas vindeiras semanas iremos compartindo traballos realizados por estas alumnas e alumnos, nos que, para un poema de Carvalho Calero adaptan unha das estruturas harmónicas traballadas na clase de Piano complementario. Eles poñen todo, a súa voz na poesía e a música de fondo interpretada no piano... o resultado é verdadeiramente fermoso.    Hoxe compartimos a primeira fornada destes traballos das alumnas Candela Rañal (5º GP), María López Carballo (5º GP) e Blanca Alvariño (4º GP), pero xa vos adiantamos que estanse a preparar máis, que pronto publicaremos. Grazas a todas as alumnas e alumnos que participan nesta proposta, polo seu esforzo e dedicación, xa que aínda que na maioría dos casos o piano non é a súa especialidade instrumental, fanno extraordinariamente ben. Parabéns! Grazas á profesora de Piano complementari...
Ler máis