Ampliación do prazo de participación no Concurso Ricardo Portela

-


Amplíase o prazo de participación no concurso de creación artística Ricardo Portela ata o 1 de marzo.

Compartimos de novo as bases do concurso, animádevos  a participar!!!


BASES CONCURSO RICARDO PORTELA

Neste ano 2020, centenario do nacemento do gran gaiteiro Ricardo Portela, o Equipo de Dinamización da Lingua Galega xunto co Departamento de Música Tradicional, convoca un concurso de creación artística para rendirlle homenaxe, a esta figura emblemática da cultura galega co obxectivo de dar a coñecer a súa figura, difundir o seu legado e o seu estilo e técnica interpretativa.


1. DESTINATARIOS

Poderán participar todos os alumnos e alumnas do Xan Viaño de todas as idades e todos os cursos.

2. INSCRICIÓN

Poderán presentarse todo tipo de proxectos inspirados na figura de Ricardo Portela: relatos e todo tipo de creacións literarias, vídeos, audios, mapas conceptuais, todo tipo de creacións plásticas, obras musicais adicadas ou inspiradas en Ricardo Portela, interpretacións propias do seu repertorio, transcricións descritivas das súas interpretacións…
Os proxectos deberán ser orixinais e inéditos.

3. PRESENTACIÓN DOS PROXECTOS

Os proxectos poderán ser enviados á conta de correo electrónico: edlgxanviano@gmail.com, ou ben na conserxería do centro nun sobre pechado e indicando en ambos casos nome, apelidos, idade e curso.
Todos os proxectos poderán ser presentados dende o 4 de decembro ata o 1 de marzo do 2021 (ambos inclusive).

4. XURADO

O xurado do concurso estará formado polos membros do Equipo de Dinamización da Lingua e o Departamento de Música Tradicional.
O fallo do xurado darase a coñecer o venres 12 de marzo.
As decisións do xurado serán soberanas e inapelables.

5. PREMIO

Haberá un premio único, que será o libro: Ricardo Portela, de gaiteiro a gaiteiro, asinado polo seu autor, Carlos Núñez. 
A obra premiada e o resto de obras presentadas poderán ser difundidas polo Equipo de Dinamización da Lingua Galega e polo Departamento de Música Tradicional do CMUS Xan Viaño de Ferrol.


A inscripción no concurso supón a aceptación das bases na súa totalidade
Todas as cuestións non reflectidas nestas bases serán estudadas pola organización do concurso para a súa resolución.

Comentarios

Publicar un comentario

Publicacións populares deste blog

Recuncho de Rosalía

-
Imaxe
O pasado venres inauguramos o noso recunchiño de Rosalía plantando unha camelia dedicada á nosa querida poetisa no noso xardín. Honrando os seus versos: "Como chove miudiño, como miudiño chove..." choveunos! Mais malia esa choiva alí estiveron acompañando ao EDLG os nosos queridos gaiteiros Candela e Antón interpretando a Alborada de Rosalía. Dende o EDLG queremos dar as grazas a todo o alumnado, profesorado, nais e pais que se achegaron para compartir con nós este lindo momento. Esperamos que este recuncho sexa un lugar de compartir moita poesía e como non, moita música! Canta paxariño canta Canta no Xan Viaño!  
Ler máis

I Concurso Falamus!

-
Imaxe
Como ben sabedes o Xan Viaño ten unha revista que se publica anualmente. Pois ben, este ano gustaríanos contar coa axuda de todas e todos para deseñar a portada da contraportada da nosa revista. Con esta idea o EDLG convoca este primeiro concurso de debuxos, fotografías e deseños para que todo o profesorado, alumnado, pais e nais, e resto da comunidade educativa participe na nosa revista Falamus! nº 14 Collede lápiz, ordenador ou cámara e mandade os vosos proxectos! Atentos! Achegamos as bases deste concurso, mais tamén as tedes na conserxería ou no taboleiro do EDLG.
Ler máis

Día de Rosalía no Xan Viaño

-
Imaxe
Un ano máis o Xan Viaño rinde homeaxe á nosa querida poetisa Rosalía. O Día de Rosalía pasou a celebrarse, dende o pasado ano, o 23 de febreiro e non o 24, como ata agora grazas ao descubremento da investigadora Sagrario Abelleira, que corrixiu a data de nacemento da autora. Este ano presentamos o famosísimo poema "Campanas de Bastabales". Os seus tan coñecidos e apreciados versos nas voces do noso alumnado fundido coa música de Rogelio Groba queren homenaxear á nosa autora máis universal e capaz de unir a todos os galegos e galegas. Grazas a André, Xiana, Aldara, Sara, Rubén, Isabel, Mateo e Anxo por facer que esas Campanas de Bastabales sigan dando a volta ao mundo.
Ler máis